آية النور واسرار رؤيا رسول الله

عايز تشوف نور الله لازم تبقى راجل، اللي بيكره مش راجل، واللي بيحسد مش راجل، واللي بيسحر مش راجل، واللي بيظلم مش راجل، والغافل مش راجل، والواكل حقوق الناس مش راجل، لأن الرجولة يا عباد الله قيل فيها في بيوت أذن الله أن ترفع ويذكر فيها اسمه يسبح له فيها بالغدو والآصال رجال⁽¹⁾.

الله نور السماوات والأرض، من يحتمل هذا النور؟ لا أحد، لا يستطيع مخلوق أن يرى هذا النور إلا المثال الذي استودع فيه الله أسرار هذا النور للهداية، ولذلك قال مثل نوره كمشكاة، نور الربوبية على نور الحقيقة المحمدية، يهدي الله لنوره من يشاء ويضرب الله الأمثال للناس والله بكل شيء عليم⁽²⁾.

في وده تلاقيه فين؟ قال ده ما تلاقوهش بره، ده عايز تروح له تبقى راجل من رجال البيوت، في بيوت أذن الله، ما قالش في جوامع، كل مبنى يحوي معنى يدل على رسول الله. بيت أذن فيه الله لرجال أن يذكروا الله، ففي مقامات الدرس والمدرسة بيت من بيوت الله⁽³⁾.

قلوب الصالحين بيوت عامرة بذكر الله، فالقلوب من تلك البيوت التي إذا تطهرت وتجردت رأت عجائب الملكوت، لأنه صلى الله عليه وسلم قال لولا الشياطين تحوم حول قلب ابن آدم لكشف الله له عجائب الملكوت⁽⁴⁾.

بعدين يقول إيه بعد نور ربنا؟ في بيوت أذن الله أن ترفع ويذكر فيها اسمه يسبح له فيها بالغدو والآصال رجال لا تلهيهم تجارة ولا بيع ذكر الله وإقام الصلاة وإيتاء الزكاة يخافون يوما تتقلب فيه القلوب والأبصار. مش خايفين من النار يا واد يا معراج، ده ذكرهم مش عن خوف من جهنم، ده خايفين للموازين تتقلب بس⁽⁵⁾.

وبعدين يقوم ربنا يذكر فضله، بعد ما ذكر نوره يذكر فضله، يقول ليجزيهم الله أحسن ما عملوا، الحاجات الوحشة سترناها ونقابلهم بوجه طلق، ليه؟ لأن دول كانوا يريدون وجهه. فالذي عاش العمر يشتهي نظر الله، يشتهي النظر إلى الله عند لقاء الله، عندما تصفو الأحوال. ووقت الصفا ذكر الجفا، وقت الصفاء جفاء، فيُنسي الكرام الكاتبين ما كتبوا، وذلك تحقيق قول الله ليجزيهم الله أحسن ما عملوا. ده اللي عملوه ده حسن اللقاء ويزيدهم من فضله، الله إيه الزيادة؟ لما يدخلوا الجنة يُرفع الأستار، والنعيم، وعداهم من الجحيم، وعداهم من جهنم، وعداهم من الميزان، وعداهم من الصراط، وفتح لهم أبواب الجنة، وقابلوا سيدنا النبي، وشربوا من إيد سيدنا النبي، ويدخلوا الجنة، وربنا سبحانه وتعالى يقول إيه ورضوان من الله أكبر⁽⁶⁾.