لما تضحي بـ «هواك» عشان «رضاه».. استعد للانبهار.

كل واحد عايز حاجة جت له حاجة غيرها هيموت على اللي فاته، نقدم في كلية تجيلنا كلية غيرها، أروح أقول نفسي في ولد تجيني بنت ، بتقول نفسي أشتغل دكتور يطلعوني مهندس، لما تلاقيها زرعتها حاجة طلعت حاجة غيرها ما تزعلش، على طول ارجع اقرأ سورة الواقعة، واقرأ قول الله: {أأنتم تزرعونه أم نحن الزارعون}.⁽¹⁾ فترضى بالقسمة؛ لأن الأدب مع الله يقتضي أن تشكر النعمة، وتقنع بالحكمة، وترضى بالقسمة، وتحفظ الحرمة. الهجرة الحقيقية هي الخروج من مراداتك لمراد سيدك، الصدر اللي اختاره لك ربنا تشتغل عليه وتشتغل فيه، لو رضيت بيه يتحول لجنة، التسليم يقتضي أنك لا تنازعنا الاختيار، صدقني أنت هجرت إلى الله والعوض هو الله.⁽²⁾ ستجد بدلاً مما كان، سيملا جيبك نوراً من اليقين، سيملا قلبك، هذا بما في جيبه مات مقتولاً من التفكير في بكرة، وهذا بما في قلبه عاش حياً كريماً، العبد إذا صفى وعرف المصطفى لا يحزن على مفقود ولا يفرح بموجود، تركك لما لا يرضينا، عملنا على رضاك، {فمن كانت هجرته إلى الله ورسوله فهجرته}⁽³⁾ ما ذكرش جزاء كان المفروض يقول: فمن كانت هجرته إلى الله ورسوله فله الجنة، صح؟ بس ما ذكرش الجنة، قال: {فهجرته إلى الله ورسوله}. قال إيه يعني؟ ليه ما قالش هجرته؟ اللي يهاجر دخله الجنة، أنت سبت عشاننا سنعطيك ما تركت على قدرك ونكرمك على قدرنا، ولذلك ما أرضيش أحدد الجزاء عشان هنديك على قد اللي سبته، فتركك على قدرك وعوضنا على قدرنا. فأنت تركت لله، كان في الشغل كده في قرشين، لو أنا مضيت الورقة دي كان يجوا من وراهم قرشين محترمين، نروح نركب عربية غالية، ويمكن أخش شمال ولا يمين وأبقى بـ، أنا بـ، أنا إيه؟ بـ، أنا به، إنما أنا به لما أنا به بقى، نعم، وسبت عشانه فوجدته هو، لم يعدني جنة ولم يأمنني من النار، إنما قال لي يا لا لا أنت حكايتك عندي، فلقد زهدت المملكة فكان العوض الملك، يزيدك من نعيم الله، خلاص كده، يا سلام لما تسيب عشان خاطرنا.⁽⁴⁾