التأصيل العلمي والروحي لمقامات القراءة وتجليات التوكل

اقرأ باسم ربك الذي خلق. اقرأ باسم ربك العليم الذي فك عقدة لسانك وخلاك تنطق عشان لما تقرأ تعرف أنها مش بتاعتك. مذنب وعامل عمايل والناس تشوف وتقول يا نور النبي ⁽¹⁾! اسم ربك إيه؟ سِتير. إذا أطلق الله ألسنة الخلق بالثناء عليك، فاشكر من سترك ولا تشكر من مدحك ⁽²⁾. أنت بلوك طين بس حطينا فيه جوهرة من النور، عملناك إنسان. اقرأ باسم ربك الذي خلق. شوف الأرض لما حاولت تتصل بالسماء وتوصل الطينة للروح، وتوصل الروح للروحانية، وتوصل الروحانية لمقامات السر والشهود والعرفان ⁽³⁾، قالت له اقرأ باسم ربك الذي خلقك. يعني بص في المراية كده، وشوف.. شوف خد اللي ليك وسيب لنا اللي لينا، واعرف أنت مين وإحنا مين، وأنت من غيرنا تكون إيه، وإحنا بينا مين. فلما أعطاه سر القراءة قرأ بالاسم الممدود من حضرة الجود، فصار أحمده في الأزل عند الشرع وتجليه بالأفعال محمد، وصار عند الله محمود. هتعرف تعيش كده؟ ولا هتجينا كل يوم حاطط لنا إيدك على خدك، ووشك تجاعيد.. ووشك يبان عليها إنك منكد وقرفان وزهقان وزعلان؟ يا عم خليها على الله ⁽⁴⁾.